அடையாளம் தெரியாத வார்த்தை

ஒவ்வொரு நீண்ட சந்திப்புகளுக்குப் பின்னும்

ஒவ்வொரு வழியனுப்பல்களுக்குப் பின்னும்

எஞ்சிவிடும் ஏதோ ஒரு வார்த்தையை

தவிர்க்க முடிவதேயில்லை - எப்பொழுதும்

விசேஷம் என்னவென்றால்

தொலைந்து போன வார்த்தையின் மீதான தேடலில்

ஆயிரக்கணக்கான புதிய வார்த்தைகள்

அகப்பட்டுக்கொள்வதுதான்....

கடைசிவரை தட்டுப்படுவதேயில்லை

எஞ்சிவிட்ட அந்த ஒரு வார்த்தை மட்டும்

அடையாளம் தெரியாத அந்த ஒரு வார்த்தைதான்

நமது தொடர்பை இன்னும் வெகு தூரத்திற்கு

அழைத்து சென்றுகொண்டிருக்கிறது

முடிவில்லாமல் நீளும்

இந்த தண்டவாளங்களைப்போல ......!